Пудий ок мале
![Пудий ок мале](/upload/iblock/b07/xq3xf60g98754m8rk7qtg6vnqxrqn4qp.png)
Эртыште арняште капышке пудий пижме дене 79 еҥ эмлымверлашке полышым йодын миен. Тышеч 29 йоча. Чылаже тиде тургымышто 172 еҥлан медицине полыш кӱлын. «Кодшо ийын тиде жаплан 451 случай лийын», - увертарат республикысе эпидемиолог-влак. Лабораторийыш кондымо 38 копшаҥге «боррелиозан» лийын. Эмганыше-влак кӱлеш эмлымашым налыныт. Пудий энцефалит дене черланыше-влак уке улыт. Ушештарена: кап гыч лукмо пудийым шымлаш Республикысе гигиене да эпидемиологий рӱдерыш намийыман. Адресше: Машиностроитель урем, 121 номеран пӧрт.