Нацпроект-влак полшат
Йошкар-Олаште «Сай качестван лӱдыкшыдымӧ корно-влак» нацпроект почеш корным умбакыже ачалат. Ик тыгай корно Анциферов уремыште верлана. Тушто тошто асфальтын ӱмбал лончыжым кораҥденыт, корныдӱрысӧ кӱм кораҥденыт, кызыт уым пыштат. Тений ты программе почеш рӱдолаште 15 автомашина корным тӧрлаш палемдыме. Нуно Карл Либкнехт, Прохоров, Бауман, Киров, Осипенко, Чехов, Подольский Курсант-влак да эше икмыняр уремыште верланат.
