Тураида-2022

Таче Саратов кундемыште «Туриада» спорт да туризм лагерь шке пашажым тӱҥалеш. Тений тудо 9-ше гана лиеш. Юл кундемын чыла регионжо гыч 700 наре еҥым чумыра. Марий Эл гыч 40 еҥан делегаций каен. Кодшо ийын мемнан командына икмыняр дисциплиныште сеҥыше да призер лийын. Слёт 17-ше гыч 21-ше май марте эрташ тӱҥалеш.  Участник-влак спорт туризмын тӱрлӧ видыштыже шкеныштым тергат: велосипед дене кудалыштыт, вӱд да пешеходный дистанцийлаште таҥасат, усталык да туристический маршрут конкурс-влак лийыт. Тений эн сай маршрутлан 400 тӱжем теҥге марте кугытан грант лиеш.