Социальный контракт шумлык

Марий Элыште илыше-влак социальный контракт дене утларак пайдаланаш тӱҥалыныт. Социальный контракт – тиде шкет илыше але неле илыш ситуацийыш логалше-влаклан кугыжаныш деч полыш. Шийвундо дене веле огыл, тыгак нелылык гыч лекташ тӱрлӧ йӧн темлалтеш. Паша деч посна кодшо да пашаверым кычпалше-влаклан тений ты программа эшеат кумдаҥын. Идалык тӱҥалтыш гыч ик тӱжем наре контракт пеҥгыдемдалтын. Тушко ушнышо-влакын кугурак ужашыже – 349 еҥ - пашам кычалеш. 285 еҥ шке пашам почаш шона, 143 еҥ подсобный озанлыкшылан полышым йодеш. Молышт вес тӱрлӧ мероприятийлашке ушнат. 2022-шо ийыште тыгай социальный полышлан 189 миллион утла теҥге окса ойырталтеш. Тышеч 2 миллион наре гына регионысо бюджет гыч. Кугурак ужашыже федерал бюджет гыч толеш.