Икымше паша погынымаш

Марий Элым вуйлатышын сомылжым жаплан шуктышо Юрий Зайцевын икымше паша вашлиймашыже эртен. Тудо Россий правительстве председательын алмаштышыже Марат Хуснуллинын эртарыме погынымашкыже ушнен. Видеоконференцийыште национальный да федеральный проект-влакым илышыш пуртымо нерген йодыш-влакым каҥашеныт. Марий Элыште 2022-шо ийлан регионысе проект-влаклан ойырымо оксан 30 процентшым кучылтмо. Илыме верым 200 тӱжем квадрат метрым чоҥымо. Аварий лӱдыкшым лукшо тошто пӧртла гыч еҥ-влакым кусарыме программа почешат паша удан огыл ышталтеш. Территорийым тӱзатымаш паша вийым налын. Тыгак «Регионысо да верысе корно сеть» проектыш тений 50 объект пурен.