«Талукын ешыже» конкурсышто таҥасыше- влаклан тауштымашым да дипломым кучыктымо

            Йошкар- Ола администрацийыште «Талукын ешыже» Республике кӱкшытан конкурсын муниципал йыжыҥыштыже таҥасыше- влаклан тауштымашым да дипломым кучыктымо. «Шуко шочшан еш» номинацийыште ончыко Рахмановмыт еш лектын - Отабек Джурабаевич ден Елена Юрьевна да Даниил, Карина, Азиза, Ильяс да Софья икшывышт. «Самырык еш» номинацийыште Михайловмыт еш сеҥыше лийын. Кирилл Радикович ден Елизавета Витальевна София, Ульяна да Виолетта ӱдырым ончен-куштат. «Шӧртньӧ еш» семын Бубековмыт ешым палемдыме. Владимир Алексеевич ден Анна Александровна 1967-ше ийыште ешым чумыреныт. Андрей ден Дмитрий эргым ончен- куштеныт. «Ялысе еш» номинацийыште Бородинмытым палемдыме. Алексей Витальевич ден Надежда Андреевна ныл эрган улыт: Матвей, Илья, Тимофей ден Евсей. «Йӱлам аралыше еш» номинацийыште пиал Магсумьяновмыт ешлан шыргыжалын. Гарай Габдрахманович ден Татьяна Михайловналан, Венера, Александр, Варвара ден Татьяна икшывыштлан. Ешын стажше- 39 ий. Конкурсышто сеҥыше- влаклан дипломым, шере пӧлекым, окса призым кучыктымо.
          Йошкар-Ола администрацийын фотожо.