Адакат йолорвам шолыштыт
Шошо толмо дене республикыштына велосипедым шолыштмаш чӱчкыдемын. Полицийыш Оршанке посёлкышто илыше 37 ияш пӧръеҥ миен. Тудын мутшо почеш, ӱдыржӧ йолташ ӱдыржӧ деке ик-кок минутлан пурен да йолорважым пӧрт воктене коден. Лекмешкыже лу тӱжем теҥгеаш «кӱртньӧ имньыже» уке лийын. Полиций пашаеҥ- влак рашемденыт: осал пашам Йошкар-Ола гыч 29 ияш пӧръеҥ ыштен. Тудо йӱшӧ вуя велосипед дене Йошкар-Олаш кудалаш шонен пыштен. Корнышто тудым кученыт. Уголовный пашам тарватыме.
Рӱдӧ олаште полицийыш йодмашым 47 ияш ӱдырамаш возен. Тудын велосипедшым подъездысе полышкалыше пӧлем гыч шолыштыныт. Омсажым пудыртен пуреныт. Эҥгек 110 тӱжем теҥгеш шуын. Тидым ондак судитлалтше 45 ияш пӧръеҥ ыштен. Ондак тудо тиде пӧртыштӧ илен да пӧлемыште велосипед- влак аралалтмым пален. Ик велосипедшым пӧртылтен, весыжым ужален шуктен. Тыгак уголовный пашам тарватыме.
Рӱдӧ олаште полицийыш йодмашым 47 ияш ӱдырамаш возен. Тудын велосипедшым подъездысе полышкалыше пӧлем гыч шолыштыныт. Омсажым пудыртен пуреныт. Эҥгек 110 тӱжем теҥгеш шуын. Тидым ондак судитлалтше 45 ияш пӧръеҥ ыштен. Ондак тудо тиде пӧртыштӧ илен да пӧлемыште велосипед- влак аралалтмым пален. Ик велосипедшым пӧртылтен, весыжым ужален шуктен. Тыгак уголовный пашам тарватыме.
