Йошкар-Олаште куштылго атлетика эстафета эртен

                Йошкар-Олаште куштылго атлетика эстафета эртен. Тудо Кугу Сеҥымаш кечылан да Радион кечыжлан пӧлеклалтын. Куд тӱжемат 44 метр кужытан дистанцийыш 28 команде лектын. Старт 12 йыжыҥ дене эртен. Икымше йыжыҥыште сеҥышыш «Политехник» гыч Денис Головин лектын. Вуз, промышленный  предприятийлан спортклубышт да физкультура коллектив- влак коклаште сеҥыше- влак тыге радамлалтыныт: «Политехник» спорткулб икымше, «Динамо» кокымшо, «Акпарс-МарГУ студент спортклуб кумшо лийыныт. Профессионал тунемме тӧнеж- влак коклаште Марий радиомеханический техникум икымше, Йошкар-Оласе строительный техникум кокымшо, Оршанкысе шуко профилян колледж кумшо верым налыныт. Муниципал образований- влак коклаште Медведево, Морко район сай лектышым ончыктеныт. Оласе школ- влак коклаште Шымше номеран школ, икымше школ да Бауман лицей ойыртемалтыныт. Ялысе школ- влак кокла гыч Волжск оласе 4-ше, Семёновкысо школ икымше ден кокымшо верым налыныт.
               Фото: спорт-туризм министерстве.