Козьмодемьянск икымше теплоход- влакым вашлийын

          Козьмодемьянск икымше теплоход- влакым вашлийын. Ола воктелсе эҥер серыш тений икымше теплоход- влак толаш тӱҥалыныт. «Угарман- Козьмодемьянск-Угарман» маршрут дене кайыше «Михаил Фрунзе» ныл палубан теплоход ден «Дмитрий Фурманов» теплоход дене 500 утла еҥ толын. Уна- влаклан кугу экскурсий программым ямдыленыт. Нуно олан историй ужашыже дене палыме лийыт, Виш кава йымалсе этнографий тоштер, Остап Бендер лӱмеш маскара да сатира тоштер, Муравьёв лӱмеш купеч быт тоштер, Григорьев лӱмеш сӱрет да историй тоштер, Вӱд пундаш гыч лукмо тумын тоштержым ончат. Спорт-туризм министерствын ончыктымыжо почеш идалык еда Чыкма олашке 120 тӱжем утла турист дене экскурсант толын кая. Навигаций жапыште 200 утла судно турист амал дене тиде причалыш шогалеш. Круиз турист- влакын чотышт 40 тӱжем еҥым эрта.
            Фото: Спорт-туризм министерстве.