Российын Геройжо Валерий Ивановым шарныме лӱмеш мотокросс дене таҥасымаш эртен

         Российын Геройжо Валерий Ивановым шарныме лӱмеш мотокросс дене Республикын Чемпионат ден Первенствыжын икымше йыжыҥже Волжск оласе спортсмен- влаклан наградым конден. Мероприятий Украиныште спецопераций годым Марий Эл гыч вуйым пыштыше- влакым ик тат шып шоген шарналтымаш гыч тӱҥалын. Таҥасымашышке элнан тӱрлӧ кундемже гыч толыныт. Пошкудо кундемласе ятыр ола, Ижевск, Краснодар, Моско да моло вер гычат лийыныт. Чылаже 106 еҥ таҥасымашке ушнен. Нуно тӱрлӧ классыште, тӱрлӧ ийготан ветеран- влак, любитель-шамыч коклаште таҥасеныт. Волжск ола гыч Олег Сафиуллин 150 кубический сантиметр классыште кокымшо верым налын, 250 кубический сантиметрыште Олег Матищук ден Илья Львов кумшо верыш лектыныт, 45 ияш деч кугурак ветеран- влак коклаште Валерий Назаров икымше лийын.
           Фото: Олег Коротков. «Волжская правда».