Ял озанлык пашаеҥ- влак пасуш лектыныт
Ял озанлык пашаеҥ- влак пасу пашаш лектыныт. Ял озанлык министерствын ончыктымыжо почеш чыла гаяк районышто кылмаш курал кодымо мландым тырмалат, шукияш шудылыкым пушкыдемдат. Тиде пашам 9 тӱжемат 200 утла гектарыште шуктымо. Тиде жапыштак кокияш озым ден шукияш шудылыкыш ӱяҥдышым шават. Кокияш озымыш 12 тӱжем гектарыште ӱяҥдышым шавыме. Тидыже планын 26 процентше лиеш. Шукияш шудылыкыш- вич тӱжемат 400 гектареш шавыме, урлыкаш пырчым 11 тӱжем тонным аяртыме.Тидыже планын 45 процентше лиеш. А Медведево, Курык марий да У Торъял районлаште икияшым ӱдаш лектыныт. Кормалык культурым кызытеш 131 гектареш ӱдымӧ.