Озаҥ гыч Йошкар-Ола марте паровоз дене ретро-турым ышташ шонат

            Озаҥ гыч Йошкар-Ола марте пар дене коштшо поезд дене ретро-турым ышташ шонат. Паровоз дене коштшо поездым июнь мучаш-июльышто колтымо нерген ойлат. Тидын нерген ТАСС «Содружество» акционер ушемын генеральный директоржо Азат Ахметшинлан эҥертен увертара. П-36 паровоз Горький кӱртньӧ корныш толын, май пайрем жапыште тудо Угарманыште лиеш. Вара тудым Москошко техобслуживанийыш наҥгаят, вара Озаҥыш толеш да маршрут дене кошташ тӱҥалеш. Ретро-тур- влакым Свияжск да Йошкар-Ола марте колташ шонат. П-36- тиде совет жапысе магистраль пассажир паровоз. Тудым Коломнысо завод 1950-ше гыч 1956-шо ий марте луктын. Кызыт индеш поездше пашам ыштен кертеш, латиктыже тоштерыште верланен, шымытше Чапкӱыш савырнен. Тачысе кечылан нине паровоз ыштыман кок ретро-маршрут уло. Тиде- Селигер- Бологое-1- Осташков да Сортавала- Рускеала.
              Фото zen.yandex.ru. «Ваш Новый День» газет.