Пенсионер- влакын кокымшо Спартакиадыштын икымше туржо эртен

             Марий Элыште Пенсионер- влакын кокымшо Спартакиадыштын икымше туржо лийын. Участник- влак кок дисциплиныште таҥасеныт: иймаште да пуля дене лӱйкалымаште. Таҥасыше- влак коклаште 60 ияш да кугурак пӧръеҥ- влак, 55 да кугурак ийготан ӱдырамаш- влак лийыныт. Уло республике гыч пенсионер- влак сай лектышым ончыктеныт да пеҥгыдемденыт: кеч-могай ийготыштат сай тазалыкан лияш лиеш. Иймаште Йошкар-Ола гыч ончылно лийыныт- Елена Грищук ден Марс Ханафеев. Пневматик винтовко гыч лӱйкалымаште ӱдырамаш- влак ончыко лектыныт. Икымше верыш Козьмодемьянск гыч Галина Алдушкина лектын, а пӧръеҥ- влак коклаште сай результатым Советский район гыч Вячеслав Антоничев ончыктен. Команде- влак коклаште сеҥыше- влак тыге радамлатыныт: лӱйкалымаште Йошкар-Ола- икымше, Советский район – кокымшо, Звенигово район- кумшо. Иймаш дене Йошкар-Ола икымше верыште, Куженер команде- кокымшо, Килемар районын командыже кумшо верыште.
             Фото: спорт-туризм министерстве. «Волжская правда» газет.