Марий Элыште догазификаций программе кышкарыште тӱжемат 380 газпучым чоҥымо
Марий Элыште догазификаций программе кышкарыште тӱжемат 380 газпучым чоҥымо. «Газпром газораспределение Йошкар-Ола» калык деч догазификацийлан кум тӱжемат 500 наре йодмашым налын. Пашам шукташ йодмашым Медведево, Куженер да Звенигово районлаште илыше- влак чолганрак пуэдат. Догазификаций – ик ий ончыч тӱналын да тудын дене келшышын озан мланде участкыже марте оксам тӱлыде газым пучым пуртат. «Газпром газораспределие Йошкар-Ола» предприятийын исполнительный директоржын алмаштышыже Игорь Ганичевын мутшо почеш Марий Элыште догазификаций программыш куд тӱжемат 976 сурт логалеш. Йодмашым пуышо чыла еҥ денат газым пурташ ойпидышым кылдыме. Тӱжемат 380 еҥжын йодмашыжым шуктымо. 700 утла сурт оза кызытак пӱртӱс газ дене пйадалаен кертеш. Молан манаш гын, шке жапыштыже кӧргӧ сетьым чоҥен, газ оборудованийым шынденыт. Догазификаций пашам тений идалык пытыме марте мучашлышаш улыт. Игорь Ганичевын ойлымыжо почеш, газовик- влакым тӱҥ чоҥымо да монтаж паша кумшо ден нылымше кварталыште вуча. Тунам тылзе еда 500 утла пӧртым газифицироватлаш кӱлеш. Догазификацийлан йодмашым умбакыже налыт.