Марий Эл гыч 14 еҥ Россий Федерацийын да Марий Элын кугыжаныш наградыже дене палемдалтын
Марий Эл гыч 14 еҥ Россий Федерацийын да Марий Элын кугыжаныш наградыже дене палемдалтын. Нуным Марий Элым вуйлатыше Александр Евстифеев кучыктен. Российын Президентше Владимир Путинын Указше дене Россий Федерацийысе ял озанлыкын сулло пашаеҥже» чап лӱмым Мосолов лӱмеш племзавод-колхоз ял озанлык кооперативын трактористше Вячеслав Малышевлан пуымо. «Россий Федерацийын сулло энергетикше» Чап лӱмым Йошкар-Оласе икымше ТЭЦ-ын директоржо Игорь Бондарчук налын. Телевещанийым цифран форматыш кусарымашке кугу надырым пыштымылан Марий Эл Правительстве председательын икмыше алмаштышыже Михаил Васютинлан Российын Президентше Владимир Путинын тауштымашыжым увертарыме.
Марий Элым вуйлатыше Александр Евстифеевын Указше дене «Марий Эл ончылно надырлан икымше степенян орден дене «Семёновский» плезаводым вуйлатыше Александр Козырев, тиде орденын медальже дене Марий Элысе МЧС виктемым вуйлатышын икымше алмаштышыже Алексей Сабадырев, тыгаяк медаль дене Курык марий районысо Микрак школын туныктышыжо Татьяна Толстова палемдалтыныт.
А «Марийская правда» газетын тӱҥ редакторжын алмаштышыже Евгений Кузнецов ден Красногорский йоча сымыктыш школын туныктышыжо Пётр Тужилкин «Марий Эл тӱвыран сулло пашаеҥже» лийыныт.
Тыгак «Марий Элысе туныктышын сулло пашаеҥже» лӱмым туныктышо- влак Оршанке Кугунур школ гыч Елена Павлова, Йошкар-Оласе 19-ше школ гыч Сергей Фатьянов, 24-ше номеран школ гыч Людмила Шупчинская налыныт.
А «Марий Элысе ял озанлыкын сулло пашаеҥже» Чап лӱм дене Советский район «У илыш» озанлык гыч Надежда Богачук, Морко «Передовик» озанлыкым вуйлатыше Юрий Игнатьев, Волжский Памар ветеринар участкым вуйлатыше Николай Филиппов палемдалтыныт.
Фото: Марий Элым вуйлатышын организаций да аналитик виктемже.
Марий Элым вуйлатыше Александр Евстифеевын Указше дене «Марий Эл ончылно надырлан икымше степенян орден дене «Семёновский» плезаводым вуйлатыше Александр Козырев, тиде орденын медальже дене Марий Элысе МЧС виктемым вуйлатышын икымше алмаштышыже Алексей Сабадырев, тыгаяк медаль дене Курык марий районысо Микрак школын туныктышыжо Татьяна Толстова палемдалтыныт.
А «Марийская правда» газетын тӱҥ редакторжын алмаштышыже Евгений Кузнецов ден Красногорский йоча сымыктыш школын туныктышыжо Пётр Тужилкин «Марий Эл тӱвыран сулло пашаеҥже» лийыныт.
Тыгак «Марий Элысе туныктышын сулло пашаеҥже» лӱмым туныктышо- влак Оршанке Кугунур школ гыч Елена Павлова, Йошкар-Оласе 19-ше школ гыч Сергей Фатьянов, 24-ше номеран школ гыч Людмила Шупчинская налыныт.
А «Марий Элысе ял озанлыкын сулло пашаеҥже» Чап лӱм дене Советский район «У илыш» озанлык гыч Надежда Богачук, Морко «Передовик» озанлыкым вуйлатыше Юрий Игнатьев, Волжский Памар ветеринар участкым вуйлатыше Николай Филиппов палемдалтыныт.
Фото: Марий Элым вуйлатышын организаций да аналитик виктемже.