Марий самырык тукымын слётшо Республикыштына июнь тӱҥалтышыште лиеш

             Марий самырык тукымын Россий кӱкшытан слётшо Республикыштына 8- ше гыч 13-шо июнь марте эрташ тӱналеш. Мероприятийыш 14 гыч 30 ияш марте самырык еҥ- влак ушнат. 14-ше слёт тений Марий Турек районысо Сардаялыште лиеш. Слётыш Марий Эл, Башкортостан, Татарстан, Удмуртий, Киров, Угарман, Свердловск областьла, Пермь край, Хант-Манси автоном округ гыч марий рвезе- ӱдыр- влак толын кертыт. Слётыш ушнашлан икымше июнь марте «Молодёжь России» увер системышке йодмашым колтыман. Форум кышкарыште тӱрлӧ йодыш дене специалист да эксперт-влак дене интерактивный тунемме занятий- влак, проектлан презентацийышт, экскурсий, тӱвыра- каныш, спорт мероприятий- влак лийыт, калык кидпаша мастерсткой- влак пашам ыштат. Россий слётым Марий Турек район администраций, Марий калыкле конгресс, «ВийАр» Тӱвыра кокласе кыл ушем, Йоча да кугурак- влакын «Эр вий» ушемышт ямдылат.