Черняков урем кундемым тӱзаташ оксам ойыраш Москва кӧнен

          Россий Федерацийын вице-премьерже Марат Хуснуллин  Инфраструктура объект- влакым ойырен налмашке ушнаш Марий Элын йодмашыжым сайлан шотлен. Тыгай полышым Йошкар-Оласе Черняков уремым тӱзландарыме шотышто проект налын. Марий Элым вуйлатыше Александр Евстифеев Вице-премьерлан инфраструктура бюджет кредитым налаш йодмаш нерген увертарен. Йодмаш Йошкар-Ола ден Медведево коклаште рекреаций зонын кокымшо йыжыҥжым 2024-ше 2025-ше ийлаште шыҥдараш 472 миллион теҥгем ойырымо дене кылдалтын. Корнын кужытшо 900 метр утла. Проектын тичмаш бюджетше 11 миллиард утла теҥге, инфраструктура бюджет кредитын оксаже 472 миллион. Кызыт инфраструктура бюджет кредит оксам кучлтын кум проект шындаралтеш: Черняков уремын икымше йыжыҥже, Медведевыште-  Сеҥымашын 75-ше идалыкше лӱмеш бульвар да Аэропортышто  пассажир терминалым чоҥымаш.
          Тиддеч посна Россий минстройыш вич у тролейбусым налаш йодмашым колтымо. Российын Президентше Владимир Путинын кӱштымашыжым шуктен, Строитель ден Киров уремла коклаште магистраль чоҥалтеш. Тудын икымше ужашыжым тений сентябрьыште шуктышаш улыт. Кызыт кокымшо ужашыжлан проект да смете документацийым ямдылаш контрактым ыштыме. Кокымшо йыжыҥым 2025-ше ийыште шукташ палемдыме.
             Фото: Марий Элым вуйлатышын организаций да аналитик виктемже.