Йошкар-Ола канализацийын очистной сооруженийлаштыже объект- влакым пужен ыштымаш умбакыже шуйна

         Йошкар-Ола канализацийын очистной сооруженийлаштыже «Экологий» калыкле проект почеш объект- влакым пужен ыштымаш умбакыже шуйна. Пашам эн чапле технологий почеш шуктат, йоктарыме вӱд норматив марте шукталтеш. Кызыт проектын икымше йыжыҥже шыҥдаралтеш. Йошкар-Ола канализацийын очистной сооруженийышкыже пайдаланыме вӱд Йошкар- Ола да Медведево гыч толеш. Нуно икмыняр тӱрлӧ специализированный оборудований да объект гоч эрыкталтыт да вара гына Изи Какшаныш йоген лектыт. Кодшо ийын у прессым пашаш колтымылан кӧра йошкын дене пашам ыштыме технологий процесс вашталтын. Тыге олашке йыгыжге пуш лекмым чарнен. Пужен ыштыме да уэш чоҥымо объект- влакым пашаш колтымеке, очистной сооружений- влакын пашашт саемеш да йырым йырысе пӱртӱслан эҥгекше шагалемеш.
           Йошкар-Ола администрацийын фотожо.