Семёновка селаште Молодёжный уремысе йолын коштмо верым тӱзландараш тӱҥалме

            Йошкар-Ола воктелсе Семёновка селаште Молодёжный уремысе йолын коштмо верым тӱзландараш тӱҥалме. Тений Йошкар-Олаште 8 тӱшка кумдыкым олмыкташ палемдыме. Нунын радамышке Молодёжный уремысе кумдыкат пурен. «Оласе йӧнан кумдыкым ыштымаш» федерал проект олан рӱдыжым гына огыл, торарак вержымат авалташ тӱҥалын. Семёновка селаште илыше- влак кажне ийын тӱшка каҥашымаште да рейтинг йӱклымаште чолгалыкым ончыктат. Тыге подрядчик- влак уэш селасе уремлаште пашам ыштат. Верысе калык Молодёжный уремысе нылымше деч 13-шо пӧрт марте воктелсе тротуар дене коштыт. Нуно бордюр кӱм вераҥдымым шекланен шуктеныт. Тугеже вашке асфальтымат шараш тӱҥалыт. Тыгак тушто изи архитектур формо- влакат лийшаш улыт.
       Йошкар-Ола администрацийын фотожо.