Армий ийготыш шудымо Российысе самырык тукымын спартакиадыжым иктешлыме

             Республикыштына армий ийготыш шудымо Российысе самырык тукымын спартакиадыжым иктешлыме. Кок кече жапыште республикысе 11 район да ола гыч 130 рвезе сеҥышыш лекшаш верч ӱчашен. Спартакиадын кеҥеж йыжыҥжын зачётыштыжо икымше верым Марий Турек район гыч Кирилл Фадеев, кокымшым Медведево район гыч Максим Егоров, кумшым Волжский кундем гыч Николай Малышев налыныт. Спартакиадын кеҥежымсе да телымсе йыжыҥжын абсолютный зачётыштыжо икымше верыш тыгак Кирилл Фадеев, кокымшыш Волжский гыч Николай Малышев, кумшыш тиде район гычак Антон Тимофеев лектыныт. Кеҥежымсе йыжыҥын командный первенствыштыже икымше верым Волжский районын командыже сеҥен налын. Кокымшым- Советский, кумшым Марий Турек районын командыже.
          Спорт-туризм министерствын фотожо.