Волжск ола гыч кум самырык ешлан кугыжаныш илыме верым саемдаш полша

             Волжск ола гыч кум самырык ешлан кугыжаныш илыме верым саемдаш полша. Ончычсо «Самырык ешлан илыме вер» кызыт «Россий Федерацийын гражданже-влаклан чапле илыме верым да коммунал полышым  ситарымаш» программе почеш Юлсер оласе кум еш кугыжаныш деч окса полышым налеш. Кодшо кечылаште Волжск олан мэрже Рафис Шагвалеев Шаленовмыт, Королёвмыт да Шмоновмыт ешлан социал оксам пуаш свидетельствым кучыктен. Субсидийын тичмаш акше кум миллионат 600 тӱжем теҥге. Шийвундо федерал да республикысе бюджетла гыч колталтеш. Свидетельстве- влак 278 тӱжем, миллионат пеле да миллионат 600 теҥгелан возалтыныт. Тудын кугытшо илыме верын ончылгоч увертарыме акше да кумдыкшо деч шога.
             Социал оксам ипотеке парымлан, илыме верлан икымше взнослан, шке оксам пыштен чоҥымашке ушнаш, шке пӧртым нӧлташ кучылташ лиеш. Тыгай полышым налше еш- влак тиде пеш куанле событий манын каласеныт. Нуно чыланат шуко шочшан еш улыт. Ынде илыме йӧныштым саемден кертыт. Субсидийым налаш черетыштым куд ий наре вученыт. Кызыт программе почеш черетыште Волжск олаште эше 78 еш шога.
           Фото: «Марийская правда» газет.