«Курымашлык тул» мемориал комплекс- влак пайрем мероприятийлан ямде улыт

              «Курымашлык тул» мемориал комплекс- влак пайрем мероприятийлан ямде улыт. «Газпром газораспредение Йошкар-Ола» компанийын Йошкар-Оласе да Волжскысо филиалжын специалистше- влак нуным Сеҥымаш кечылан пӧлеклалтше пайрем мероприятий- влакым эртараш ямдылен шуктеныт. Чыла пашам «Газпром межрегионгаз» ушемын тӱналме «Шнуй порыс. Курымеш шарнымаш» акций кышкарыште шуктымо. Республикыштына чарныде пашам ыштыше кок «Курымашлык тул» мемориал комплекс уло. Нуным арня еда технически терген шогат. Пайрем вашеш газовик – влак ешарен пашам ыштеныт- мланде йымач кайыше пучым тергеныт, газ пуш шарлымым акленыт, горелкым эрыктеныт, тулын кугытшым тӧрленыт. Олмыктымо годым газым йӧртыде тудым вес горелкыш кусарат, йӧраш огыт пу. Республикысе 12 райрӱдыштӧ верланыше мемориал комплекслаште тул шарнымашан мероприятий- влакым эртарыме годым гына чӱкталтеш. Индешымше майыште специалист- влак нуным баллон гыч чӱктат да кӱрылтде пашам ыштыже манын эскерен шогат.