Волжск олаште куштылго атлетика эстафета эн писе куржталше-влакым рашемден

           Волжск олаште куштылго атлетика эстафета эн писе куржталше-влакым рашемден. Оласе спорткомплекс Кугу сеҥымашын 77-ше идалыкше да Радион кечыжлан пӧлеклалтше эстафетым эртарен. Тушко кыдалаш да кӱшыл профессионал шинчымашым налше тунемше- влакын, предприятий ден организацийлан пашаеҥыштын, школлаште тунемше- влакын командышт ушненыт. Командыште 14 еҥ- 7 рвезе ден 7 ӱдыр лийыныт. Дистанций 14 йыжыҥ дене эртен. «Волга» унагудо деч тӱҥалын, Орлов ден Шестаков уремлан корнывожышт марте. Сеҥыше- влак тыге радамлалтыныт: икымше верыш 9-ше номеран школ ден целлюлоз кагаз комбинатын командышт, кокымшо верыш нылымше номеран школ ден ПГТУ-н Волжскысо филиалжын, кумшо верыш 12-шо номеран школ ден строительно-промышленный колледжын командышт лектыныт.
        Фото: Олег Коротков. «Волжская правда».