Марий Элыште ӧрдыж гыч кондымо ырлыган черым рашемдыме
Марий Элыште ырлыган (корь) чер ваштареш 20 утла еҥлан вашке гына прививкым ышташ верештын. Роспотребнадзор виктемын увертарымыже почеш 29-ше апрельыште Йошкар-Оласе йоча инфекций стационарышке 3 ияш ӱдырым ырлыган чер лийын кертеш манын эмлаш пыштыме. Анализшым Пермь оласе корьым эскерыше региональный рӱдерыш колтымо. Тушо диагнозым пеҥгыдемден ончыктымо.
А гигиена рӱдерын специалистше- влак шымлымашым эртареныт. 15-ше апрельыште Йошкар-Олаш Озаҥ ола гоч Таджикистан гыч кум еҥан еш илаш видым налаш шонымаш дене толын. Айлыме пачереш шогалыныт. Йоча 27-ше апрельыште черланен. Температурыжо 38 градус марте кӱзен, кукшо кокыртыш налын, конъюктивит ден нерге чер лектын. Вес кечынже шӱргыжым чӱнча налын, кумшо кечылан капше мучко шарлен. Тиддеч вара аваже медицина полышым йодын. Йочан ырлыган ваштареш антителаже уке, иммунитетше вияҥын огыл. Аважат корь ваштареш прививкым ыштыктен огыл.
Тиде кечылаште нунын ден кылым кучышо еҥ- влакым рашемдыме. Иммунизацийым ыштышаш 28 еҥым пален налме: 18-ыже йоча- влак, 10-жо кугыеҥ. Кум кечыште корь ваштареш 93 процент наре еҥжылан прививкым ыштыме. Молыжын медицина отводышт уло. Кызыт чыланат эскерымаште улыт. Нунын коклаште черланышыже уке.
Фото: МедиаПоток.
А гигиена рӱдерын специалистше- влак шымлымашым эртареныт. 15-ше апрельыште Йошкар-Олаш Озаҥ ола гоч Таджикистан гыч кум еҥан еш илаш видым налаш шонымаш дене толын. Айлыме пачереш шогалыныт. Йоча 27-ше апрельыште черланен. Температурыжо 38 градус марте кӱзен, кукшо кокыртыш налын, конъюктивит ден нерге чер лектын. Вес кечынже шӱргыжым чӱнча налын, кумшо кечылан капше мучко шарлен. Тиддеч вара аваже медицина полышым йодын. Йочан ырлыган ваштареш антителаже уке, иммунитетше вияҥын огыл. Аважат корь ваштареш прививкым ыштыктен огыл.
Тиде кечылаште нунын ден кылым кучышо еҥ- влакым рашемдыме. Иммунизацийым ыштышаш 28 еҥым пален налме: 18-ыже йоча- влак, 10-жо кугыеҥ. Кум кечыште корь ваштареш 93 процент наре еҥжылан прививкым ыштыме. Молыжын медицина отводышт уло. Кызыт чыланат эскерымаште улыт. Нунын коклаште черланышыже уке.
Фото: МедиаПоток.