Волжский районышто «Шарнымаш садым» шынденыт

           Кугу Сеҥымашлан 77 ий темме лӱмеш Волжский районышто «Шарнымаш садым» шынденыт. Тиде пашашке партийын верысе пӧлкажын, Сотнур тӱвыра пӧртын, верысе администрацийын еҥышт ушненыт. Сотнур тӱвыра пӧрт кундемыште 60 пушеҥгым, чиевондым, кушкылым вераҥденыт. Кажне еҥын субботникыш лекмыже, вара арулыкым эскерымыже, пушеҥге- влакым ончымыжо пеш шаргакан,- палемденыт верысе ял илемын пашаеҥже- влак.

              Морко районыштат тыгаяк тӱнямбал акций тӱналтышым налын. Российын Президентше Владимир Путинын тӱналме акцийын тӱҥ задачыже кугу сарыште вуйым пыштыше- влакын чотыш семын 27 миллион пушеҥгым шындымаш. «Шарнымаш сад» акций тӱня мучко эртаралтеш. Сад- влак Российыште гына огыл, йот эллаштат шындалтыт. Эҥерсола кундемыште кугу Ачамланде сарын геройжо- влак лӱмеш тыгыде олмапу- влакым шындыме.

         Фото: «Единый Российын» сайтше.