Фермерлан полыш

Марий Элысе 12 фермер озанлык пашам вияҥдаш грантым налеш. Республикысе ял озанлык министерствын увертарымыже почеш 2022-шо ийыште грантлан 22 йодмаш пурен. Проект-влак тӱрлӧ лийыныт. Тиде вольыкым шӧрлан, шыллан ончымаш, казам, имньым кучымаш, вожсаскам куштымаш, мӱкшым ончымаш да молат. Грант почеш ойырымо оксам мландым, техникым налаш, ял озанлык объект-влакым чоҥаш але уэмдаш кучылташ лиеш.