"Пушкин карта" дене театрыш

Апрельыште «Пушкин карта» дене республикыште илыше самырык еҥ-влак тӱвыра тӧнежлашке 7 тӱжемат 400 утла билетым налыныт. Идалык тӱҥалтыш гыч - 27 тӱжемат 400 билетым. Эн шуко билетым «Пушкин карта» дене Э.Сапаев лӱмеш опер да балет театрыште, М.Шкетан лӱмеш марий кугыжаныш драме театрыште да Я.Эшпай лӱмеш филармонийыште ужаленыт. Тачысе кечылан Марий Элыште ты прогаммышке чылаже 63 тӧнеж ушнен.