Корным ачалыман

Пӱтынь Российысе калык фронт Волжск олаште корным тӧрлаш финансированийым кугемдаш йодеш. Калык фронтын еҥже-влак тенийлан ойырымо 10 миллион теҥге окса пеш шагал маныт. Вет тачысе кечылан олаште 80 процент корным ачалаш кӱлеш. Мер пашаеҥ-влак утларак иланыше уремлаште корным терген лектыныт да шуко ситыдымашым рашемденыт. Волжск ола «Лӱдыкшыдымӧ да сай качестван корно-влак» нацпроектышке логалын огыл, сандене ойырымо окса кугытат изи. Тидак Республикысе корно озанлык министерствышке йодмаш дене лекташ таратен.