Шордо, маска деч шеклане
Республикысе пӱртӱс поянлык министерствын увертарымыже почеш тений апрельыште Марий Элыште ир янлык дене 5 корно туткар лийын. Эн чӱчкыдын корнышко шордо лектеш. Тыгай случай-влак Кокшайск ден Оршанке кугорнылаште, Медведево районышто утларак лиедат. Ир янлыкым тӱкымылан штраф изи огыл. Шордылан 80 тӱжем теҥгем, пӱчӧ ден маскалан 60 тӱжем теҥгем, рясьлан (марлаже шурмаҥше) 40 тӱжем теҥгем, ирсӧсналан 30 тӱжем теҥгем тӱлыктат. Сандене автомашинам виктарыше-влаклан корнышто пеш тӱткӧ лийман. ДТП лиеш гын, тудын нерген вигак экстренный службылашке шижтарыман.