Шошо да плотина

9-ше майыште кастене Оршанка посёлкысо пӱям пӱчкын. Вӱд кӱртньӧ да бетон конструкций-влакым шалатен да мушкын колтен.  Пӱялан эшеат кугу эҥгек ынже ышталт манын, Чрезвычайын ситуацийым шижтарыме да кораҥдыме шотышто комиссий вӱдым тичмашнек колташ пунчалым луктын. Вет плотина поселкыштак верлана. Тудын гоч эртыше кӱвар дене шуко машина кудалыштеш, еҥ-влак коштыт.  Тиде сооружений тошто лийын, 40 ий ончыч ыштыме. Жап шуын уым нӧлташ. Оршанка район администраций Республикысе правительствыш проектно-сметный документацийлан оксам ойырымо нерген йодмаш дене лектеш. Тачысе кечылан плотина гоч  корным йолешке-влаклан петыреныт. Плита-влак гоч кошташ чарыме. Нунат порволен кертыт манын лӱдыкшӧ уло.