Корно правил-влак нерген ушештарат

Республикыште «Лӱдыкшыдымылык лабораторий» пашам ышта. ГИБДД инспектор-влак корно правил-влак нерген ушештарыше мероприятийым эртарат. Черетан вашлиймаш Медведево районысо Азаново да Ежово школ-влакын тунемшышт дене эртен. Нунылан тунемме светофорым шогалтеныт, правил-влакым машинам витарыше семынат, йолын коштшо семынат эскераш туныктеныт, корно макетым ыштен, тӱрлӧ ситауцийым лончыленыт, регулировщикын пашаже дене палдареныт. Велосипед дене кудалыштме годым мом шотын налаш кӱлеш умылтареныт.Ты лабораторий – федерал проект. Тудо йоча-влак дене аварийым иземдаш виктаралтеш. Лӱмын келыштарыме газель дене корно инспектор-влак тунемше-шамыч деке республикынан эн мӱндыр районлашкыже лектын кертыт.