Книга презентаций
Евсеев лӱмеш национальный тоштерыште «Учителями жива Россия» книган
презентацийже лиеш. Тудын авторжо – кумдан палыме марий шанчызе, историк
Анатолий Муравьев. Тудо Российын, Марий Элын сулло да калык туныктышыжо-влак,
тыгак орден да медаль дене палемдалтше педагог-влак нерген поян материалым
поген. Икмыняр лӱмлӧ туныктышыжо таче тоштерыште эртыше «йыргешке» ӱстелышке толеш, шке паша корныжо дене
палдара.