Илыме вер чоналтеш

Тений кум тылзе жапыште Марий Элыште 203 тӱжем наре квадрат метр илыме верым чоҥеныт. Ӱмашсе тыгаяк жап дене таҥастарымаште 2 пачаш шукырак. Еҥ-влак шке оксашт але кредитым кучылтын, 779 пӧртым нӧлтеныт. Тидыже чумыр илыме верым чоҥымын 59 процентше. Сад ушемлаште илаш йӧршӧ 43 пӧрт чоҥалтын. Шуко пачеран пӧрт-влакым тиде ийын Йошкар-Олаште, Волжскышто да Медведево районышто гына чоҥымо, моло район ден олалаште шке пӧрт-влакым нӧлтымӧ.