Ондакысе мэрлан шарнымаш она

Рӱдолаштына Йошкар-Олан ондакысе мэрже, Российын почетан, Марий Элын сулло чоҥышыжо Олег Войновлан мемориал оҥам почыныт. Тудым Олег Павловичын илыме пӧрт пырдыжыште, Чехов уремысе 17-ше номеран пӧрт адрес дене, вераҥденыт. Олег Войновын паша корныжо тыглай чоҥышо, бригадир гыч тӱҥалын. Йошкар-Ола администрацийыште 1998-ше ий гыч пашам ыштен. 2004-ше гыч 2014-ше ий марте Йошкар-Олан мэрже лийын. Тиде жапыште рӱдолаште ятыр сай вашталтыш лийын.