Ачалымаш паша

2022-шо ийыште Марий Элыште 5 поликлиникым капитально олмыктышаш улыт. Кызыт рӱдоласе 2-шо номеран поликлиникым тӧрлымӧ шотышто аукционым увертарыме. Семеновкысе врачебный амбулаторийым ачалаш контрактым пеҥгыдемдыме. Республикысе тазалыкаралтыш министерствын увертарымыже почеш, 2-шо поликлиникым олмыкташ «Тазалык» нацпроект почеш 8 миллион теҥгем, Семеновкысе эмлымверым тӧлаш 1 миллионат 600 тӱжем теҥгем ойырат. Тылеч посна Йошкар-Олаште кугыеҥ-влаклан 4-ше да йоча-влаклан 1-ше номеран да Волжскысо 2-шо номеран поликлинике-влакым уэмдаш палемдыме.