Пашадымылык иземеш
Йошкар-Оласе пашаверым ситарыме шотышто рӱдерын увертарымыже почеш, тачысе кечылан рӱдерыште пашадымылык шотышто учётышто 515 еҥ шога. Кодшо ийын тиде жапыштак 2 тӱжем 200 утла пашадыме шотлалтын. Пашапуышо-влак 3 тӱжем утла паша верым темлат. Тышеч пелыже утла - пашазе профессий-влак. Статистикым ончалаш гын, 1 пашадымылан 6 пашавер уло. Кызыт монтаж пашам ыштен моштышо, автомашинам виктарыше, кевытче, повар, полиций пашаеҥ, слесарь, менеджер-бухгалтер, медшӱжар-влак кӱлыт.
