Шукынжо "поян" улыт

Тений идалык тӱҥалтыш Марий Элыште 3 гыч 7 ияш марте йоча-влаклан пособийлан йодмашым 12 тӱжем 200 утла еҥ пуэн. Йодмаш-влак тӱҥ шотышто Кугыжаныш услуго портал гоч пурат. Тачысе кечылан специалист-влак 8 тӱжем 300 наре йодмашыжым ончен лектыныт. Но тышеч 6 тӱжем наре еҥлан еш парышышт кугурак улмылан кӧра тӱлаш тореш лийыныт. 3 гыч 7 ияш марте да 8 гыч 16 ияш марте пособий-влаклан йодмашым умыбакыже налыт.