Техникум уэмеш

Йошкар-Оласе сервис техникумышто кум компетенций дене мастерской-влакым почаш ямдылат. Тиде «Цифровой модельер», «Мода технологий» да «Эстетический косметологий». Тунемме тӧнеж Россий просвещений министерствын грантшым сеҥен налын. 4 миллион утла теҥге федерал бюджет гыч, 600 тӱжем наре теҥге республикысе бюджет гыч ойыралтын. Техникум шкежат пел миллионым ешарен. Ондак кабинет-влакым ачаленыт, у оборудований ден мебельым налыныт, 13 у пашаверым ыштеныт. У мастерскойлаште студент-влакым туныктымо деч посна кугыеҥ ден йоча-влаклан ешартыш шинчымашым пуаш, тӱрлӧ конкурсым эртараш чыла йӧн лиеш. Нуно эсогыл тӱнямбал стандартлан келыштаралтше лийыт.