Йоча лагерь шумлык

Республикысе каныме лагерь-влак йоча-шамычым вашлияш ямдылалтыт. Кызыт тушто каныме вер кумыдыкым шӱкшак деч эрыктат, илыме корпус-влакым, пляжым, кочкаш шолтымо верым шотыш кондат. Лагерь-влакын у каныме тургымлан кузерак ямде улмыштым тергаш, икмынярыштыже Республикысе правительстве вуйлатышын икымше алмаштышыже Михаил Васютин ден Марий Элысе туныктыш министр Лариса Ревуцкая лийыныт. Нуно «Таир» рӱдерышке, «Кооператор» санаторийышке да Гагарин лӱмеш йоча лагерьышке миен коштыныт. Чыла вережат паша шке жапыштыже кая.