Туралан- Шем теҥыз серыш

             Йошкар-Ола гыч Адлерыш поезд кошташ тӱҥалеш. Тыге Шем теҥыз сер дене вияш кыл лиеш. Кызыт билетым ужалаш тӱҥалме. Пассажир- влак курортлашке куснен шичде миен шуын кертыт. Корно мучко Туапсеште, Ростов-на-Донушто, Пенза ден Саранскыште да моло вереат чарналтыш- влак лийыт. Поезд 2-шо июль гыч 30-шо сентябрь марте кече коден кошташ тӱҥалеш. Икымше рейс Адлер гыч 2-шо июльышто 13 шагатат 44 минутлан лектеш, а Йошкар-Ола гыч 5-ше июльышто 23 шагатат 50 минутлан тарвана. Корнышто кок сутка наре лиеш, билетын акше купеште 8 тӱжем теҥге гыч тӱҥалеш.