Тӱҥ федерал инспектор Павел Волков Звенигово районышто калыклан приёмым эртарен

             Марий Элыште тӱҥ федерал инспектор Павел Волков пеҥгыдемдыме план-график почеш Звенигово районышто калыклан приёмым эртарен. Йодыш- влакым ончымаште район администрацийын да районысо прокуратурын еҥышт участвоватленыт. Приёмыш толшо- влакын йодышышт аварийный пӧртла гыч калыкым кусарыме, аптеке пунктым почмо, йоча садым чоҥымо, уголовный паша почеш суд решений дене келшыдымаш дене кылдалтше лийыныт. Чыла йодышланат умылтарымашым пуымо да нуным контрольыш налме. Паша дене толмо кышкарыштак тӱҥ федерал инспектор Звениговысо книгагудын пашаже дене палыме лийын. Тудым «Тӱвыра» калыкле проект почеш уэмдыме ыле. Тиддеч посна Павел Волков Шолеҥер посёлкышто «Родничок» йоча садыш миен. Тудым федерал бюджет гыч ойырымо субсидий кӱшеш чоҥымо.
           Фото: полномочный представительын официальный сайтше гыч.