Юрий Зайцев: «Бауман» лицей негызеш талантан йоча- влаклан полшышо «Сириус» шотан рӱдер лиеш…»

          Марий Элым вуйлатышын сомылжым жаплан шуктышо Юрий Зайцев «Бауман» лицей негызеш талантан йоча- влаклан полшышо «Сириус» шотан рӱдер лиеш манын увертарен. Республикына 2023-шо ийыште уста йоча- влаклан  полшышо рӱдерым почаш федерал субсидийым налашлан конкурсышто сеҥышыш лектын. У рӱдер «Сириус» модель почеш ышталтеш да тунемше- влакын талантыштым вияҥдаш полшышо кызытсе жаплан келшен толшо эше ик площадке лиеш. Тушто кум корно дене шинчымашым пуаш тӱҥалыт: шанче, сымыктыш да спорт дене. Юрий Зайцев палемден: Мый «Сириусышто» лийынам. Тудо элна мучко шарла. Йоча- влакым тӱрлӧ велым шуарыме шонымашыже моткоч кӱлешан. Сандене ме тудлан полшаш тӱҥалына. А рӱдер «Бауман» лицей негызеш пашам ышташ тӱҥалеш.
           Лицейыште тыгак выпускник- влаклан пытартыш йыҥгыр йоҥгалтын. Республикым вуйлатышын сомылжым шуктышо ӱдыр-рвезе- влакым школым тунем пытарыме дене саламлен да шинчымашым тергымашым сайын эрташ тыланен. Тудо тыгак лицейын пашаже дене палыме лийын. Тунемме тӧнеж тений Россий кӱкшытан «Кугу перемена» конкурсышто элысе 30 эн сай школ радамыш пурен. 2021-ше ий гыч лицейыште «Кванториум» йоча технопарк пашам ышта.
             Фото: Марий Элым вуйлатышын организаций да аналитик виктемже.