Пӧт эҥер гоч кӱварым умбакыже капитально олмыктат
Волжский районышто «Качестван лӱдыкшыдымӧ корно» калыкле проект кышкарыште Пӧт эҥер гоч кӱварым капитально олмыктымо паша умбакыже шуйна. Тиде пашалан федерал казна гыч 90 миллион утла теҥге оксам ойырымо. Тушто кӱртньӧ бетон негызшым, кӱвар пролётшым олмыктат, кӱртньӧ авыртышым да вӱд йоген кайыме верым ыштат. Тачысе кечылан 60-70 процент пашам шуктымо. Кӱварым транспортлан тичмаш июнь мучашлан почаш палемдыме.
Фото: Кристина Изергина, «Волжская правда».
Фото: Кристина Изергина, «Волжская правда».
