Марий Элысе тунемше- влакын командышт российысе 88 команде коклаште 13-шо верым налын.

           Марий Элым вуйлатышын сомылжым жаплан шуктышо Юрий Зайцев «Знаний» обществын шинчымашым шарыше икымше модмашыжын финалистше- влак дене вашлийын. Марий Элысе тунемше- влакын командышт российысе 88 команде коклаште 13-шо верым налын. Уш-акыл да спорт кӱкшӧ таҥасымашын финалыштыже республике гыч 6 ӱдыр-рвезе лийын. Нунын кокла гыч нылытше Йошкар-Оласе тунемме тӧнежла гыч да коктын Марий Турек районысо Нартасс школ гыч улыт. Тиде сай лектыш дене Юрий Зайцев нуным саламлен да палемден: ончычсо йыжыҥыште республике гыч лу тӱжем утла тунемше таҥасен. Лач кудытшо веле финалыш лектын. Марий Элым вуйлатышын сомылжым шуктышо кажныжлан Республикысе «Кванториум» йоча технопаркын проект сессийлашкыже кошташ сертификатым кучыктен да иквереш фотосӱретым ыштеныт.
             Фото: Марий Элым вуйлатышын организаций да аналитик виктемже.