Республике кӱкшытан «Талукын ешыже» конкурсым иктешлыме

            Марий Элыште Республике кӱкшытан «Талукын ешыже» конкурсым иктешлыме. Тудо ынде шымше гана эртаралтын. Организационный комитетыш муниципал йыжыҥлаште вич номинацийыште сеҥыше 38 ешлан представлений пурен. Нунын кокла гыч ныл еш «Шуко шочшан еш» номинацийыште сеҥыше, лу еш «Самырык еш», 7- «Ялысе еш», 6- «Шӧртньӧ еш», 11 еш «Йӱлам аралыше еш» номинацийлаште сеҥыше улыт. Республикысе конкурсын оргкомитетшын пунчалже почеш сеҥыше- влак тыге радамлалтыныт. «Шуко шочшан еш» семын Марий Турек район гыч Шуталевмыт ешым палемдыме. Курык марий район гыч Марышевмыт еш «Самырык еш» номинацийыште сеҥен. «Ялысе еш» семын Юрино район гыч Ракушинмыт еш ойыртемалтын. Морко район гыч Александровмыт еш «Шӧртньӧ еш» лумым налын. Куженер район гыч Каменщиковмыт еш «Йӱлам аралыше еш» номинацийыште сеҥышыш лектын. Ынде нунын нерген представленийым Россий кӱкшытан конкурсыш колтат.