Йошкар-Олаште- у чапкӱ

                     Йошкар-Олаште пожарный ден утарыше- влаклан чапкӱм шогалтыме. Тудо Воскресенский паркыште верлана. Ышташ шонымаш 2017-ше ийыштак шочын. Тунам чапкӱ лийшаш верыш кӱым вераҥдыме ыле. 2017-ше18-ше ийлаште эн сай проектлан конкурсым эртарыме. Виш йӱклымаш почеш саҥышылан Анатолий Ширнин ден Сергей Яндубаевын пырля ямдылыме проектыштым шотлымо. Чапкӱ кызытсе жапысе герой- влаклан пӧлеклалтын. Покшелне- тиде профессийым ойырен налше еҥын фигурыжо, кидыштыже- утарыме йоча, шеҥгелныже- тул йылме озалана, а воктеныже ӱшанле йолташыже-пийже. Чапкӱм чын еҥ гыч ончен ышташлан  утарыше- влакын кок кандидатурыштым ойырен налме. Архитектор- влак рӱдӧ отрядын кокымшо классан утарышыже- влак  Валентин Булыгин ден Максим Павлов да тудын изи ӱдыржым ончен ыштеныт чапкӱм велыктеныт. Моло фотосӱрет- влакымат шотыш налыныт.
Фото: yoshkarola.bezformata.com