Марий Элым вуйлатыше йоча лагерьыш путёвкын акшым субсидироватлаш кӱштен

                    Марий Элым вуйлатыше Александр Евстифеев йоча тазалыкым пеҥгыдемдыме лагерьыш путёвкын акшым субсидироватлаш кӱштен. Путевкылан акын ужашыжым пӧртылтымӧ шотышто сомылым 2015-ше ийыште чарыме ыле. Тудым уэш пӧртылтымӧ нерген республикым вуйлатыше кеҥежым тазалыкым пеҥгыдемдыме кампанийлан ямдылалтме шотышто совещанийыште увертарен. Тазаҥдыме кампанийыш утларак йоча- влакым ушыман, - каласен тудо. Сандене изирак парышан еш- влаклан полшаш кӱлеш. Республикым вуйлатыше тыгак ушештарен: чыла сотрудник- влак- воспитатель, столовыйышто тыршыше, озанлык пашаеҥ вакцинацийым эртышаш. Тыгак муниципал образований вуйлатыше- влаклан да икмыняр министерствылан каныме- вер- влакын материально- технический базыштым тергаш да заключенийым пуаш кӱштымӧ. Республикыштына 184 оргаизаций пашам ышташ тӱҥалеш. Нунын кокла гыч ола деч ӧрдыжсӧ 13 стационар лагерь, школ пеленысе кечывалым лийме 170 лагерь да ик санаторий улыт. Тушто 16 тӱжем наре йоча каналтышаш. Кок тӱжем наре йоча республике деч ӧрдыжтӧ канаш шона. Тыгеже тӱрлӧ форман каныме да тазалыкым пеҥгыдемдыме сомыл дене 62 тӱжем йочам авалташ палемдыме. Тидыже пӱтынь йочан 72 процентше лиеш. Роспотребнадзор виктем шке корныж дене ямдылалтеш.