Ола уремлаште лакым тӧрлат
Йошкар-Ола администрацийын увертарымыж почеш олаште 29-ше март гыч 4-ше апрель марте корнылаште лакылам тӧрлымӧ пашам шукташ палемдыме. Вишкыде асфальт дене Бауман ден Ян Крастынь, Анников ден Фестивальный, Йыван Кырла ден Карл Либкнехт, Зарубин ден Киров, Анциферов урем ден Тӱҥ кӱвар олмыкталташ тӱҥалыт. Тиде пашам йӱдым ыштат. Корнысо кугу, аварийный лаке- влакым петырат. Но тиде сай игече толмешке жаплан ыштыме ремонт семын гына шотлалтеш. Теве рушарня гыч шочмыш йӱдым оласе уремлаш 14 тонн утла вишкыде асфальтым шарыме.
