Марий Йӱштӧ Кугызан илемыштыже- волгыдо

                      Марий Йӱштӧ Кугызан резиденцийыштыже волгыдырак лийын. Шернур районысо Кукнур ял илем кундемыште верланыше резиденций тымарте генератор полшымо дене волгалтаралтын. Тидыже йӧндымӧ да шергыракыш шуыш. Сандене илем кумдыкыш тулым пуртымо, корным волгалтарыме  йодышым Шернур муниципал район администрацийым вуйлатыше Александр Кугергинын эртарыме совещанийыште районысо электросетьын еҥышт дене пырля каҥашыме. Тыге турист объектыш тулым пурташ кутырен келшыме. Электропередаче линийым шупшмо, светильник- влакым вераҥдыме. Кодшо кечылаште тушко тулым пуымо.