Идалык мучаш марте маятниковый паша миграций проблемым виктарен колтыман

                  Идалык мучаш марте Марий Элыште маятниковый паша миграций проблемым виктарен колтыман. Маятниковый миграцийже тиде-  тӱҥ илыме вер гыч вес олаш, элыш тутыш пашаш коштмаш. Кокымшо апрель марте Паша министерстве кажне регионышто занятость йодышым ончен лектеш, кӱлеш годым тудым уэш нӧлталаш регионысо программылаш тӧрлымашым пурта. Тыгай кӱштымашым министерствылан правительстве вуйлатышын алмаштышыже Татьяна Голикован эртарыме пашаче группын заседанийыштыже пуымо. Занятость шотышто неле ситуаций элысе 16 регионышто палдырна. Нунын кокла гыч кумытшо Юл кундем округышто: Башкортостан, Чуваший, Пермь  край. Нунын программыштым уэш ончен лектыт. Тыгак паша министерстве Российысе чыла кундемыш тений идалык мучаш марте паша рынкым уэш нӧлталме шотышто соглашений проектым колтен. Занятостьым пандемий деч ончычсо кӱкштыш нӧлталаш манын, Новогород областьыште 26 тӱжем утла еҥым пашаш пурташ кӱлеш, Рязань областьыште ятыр тӱжем еҥым, Марий Элыште 18 тӱжемат пеле еҥлан паша верым муын пуыман. Республикысе 34 тӱжем утла еҥ вахте йӧн дене моло кундемлаште пашам ышта. Сандене чарыме жапыште республикысе паша рынкылан кугу нелыт логалын.
Фото:  infourok.ru